O noso interese espertou cando os alumnos e alumnas do CIFP A Granxa de Ponteareas nos contaron os problemas que tiña unha paxariña chamada Ferreiriña que vivía nas árbores a carón do Río Tea.
Comezamos a investigar sobre as árbores autóctonas, as especies invasoras como as belutinas, e sobre a contaminación do aire e a auga.
Logo, decidimos facer unha segunda parte para ese conto tan chulo e o titulamos "Misión: río Tea" e o preparamos para contalo no kamishibai da nosa biblioteca.
Kamishibai co conto "a paxariña Ferreiriña"
Exposición sobre o Río Tea
Preparando a segunda parte do conto en equipos cooperativos.
Láminas cos debuxos e os textos do noso conto, preparadas para poñer no kamishibai
Para quen non o coñeza, Kamishibai significa "teatro de papel" en xaponés. É unha forma de contar contos moi popular en Xapón e está formado por un conxunto de láminas que contan cun debuxo nunha cara e un texto noutra cara. Estas láminas colócanse nun teatro de madeira.
