MARMELADA DE AMORODOS

Para finalizar este segundo trimestre, na clase de segundo preparamos unha deliciosa marmelada de amorodos.

Primeiro tivemos que investigar cales eran os ingredientes necesarios e os pasos para facer a receita. 

Logo fixemos unha visita ao supermercado onde compramos todo o necesario para elaborar esta rica receita.

Por último, xa sólo quedaba cociñar!! 

Puxémonos mans á obra: lavamos e cortamos a froita, engadimos nunha pota xunto cos demais ingredientes e remexemos ata que xa estivo lista a nosa marmelada. Colocamos en botes de cristal e deixamos repousar ata o día seguinte, cando tivo lugar á degustación.

Fixemos tostadas de marmelada e mantequilla e tamén vasiños de iogur natural con marmelada.

Invitamos aos nosos veciños de 1ºEP  e eles tamén trouxeron a súa receita para compartir con nós: ensalada de pasta. 

Aquí deixamos un resumo fotográfico:

 

Entroido: AGRICULTORES DE LEIRADO

Este curso, na clase de 2º de primaria celebramos o entroido disfrazándonos de agricultores.

Pasámolo xenial preparando os nosos disfraces e preparando todo o necesario para ir a traballar ao campo: sementes, regadeiras, anciños, mangueiras, etc...

ÁRBORES E ARBUSTOS MÁIS FAMOSOS DE GALICIA

Coñecedes cales son as árbores  e os arbustos máis importantes de Galicia? as nenas e nenos de 2ºEP volo contan!

Vera e Daniela contáronnos que o castiñeiro, o piñeiro e o carballo son 3 das árbores máis famosas de Galicia.

Na clase estudamos os seus nomes científicos, as súas follas, o seu froito....

Asier, Gara, e Lucca contáronnos moito sobre as árbores da nosa zona e os seus froitos.

 Tamén falaron dos arbustos como a xesta e o toxo. Coidado co toxo porque ten espiñas e pincha!!

Anxo foi dar un paseo e atopouse con carballos, castiñeiros, piñeiros e tamén con eucaliptos. Explicounos que os eucaliptos son unha especie invasora.

Brooke falounos das camelias, que son o arbusto máis famoso de Galicia. O sabías?

Ainara touxo un libro onde nos fala tamén das plantas máis importantes do noso entorno. Se queredes, pasade pola aula de 2º e o poderedes ler, xunto con outros libros sobre plantas que temos. A qué esperas?

CULTIVOS MÁIS IMPORTANTES DE GALICIA

 Durante estas semanas estivemos investigando cales son os cultivos máis importantes de Galicia.

Os nosos compañeiros Lois, Iker e Anthony coincidiron en que o millo e a pataca son dous dos cultivos máis importantes de Galicia. Ademáis das hortalizas como a leituga, o tomate, o pemento...

Tamén falamos das viñas e da importancia que teñen as uvas na nosa comunidade.

Por outra banda, Alex, Adrián, Dylan, Óscar e Leslie nos falaron de algo moi interesante: 

"As árbores froiteiras máis famosas da nosa comunidade": 

Falamos das maceiras, das pereiras, ameixeiras, dos kiwis e tamén dos aguacates, que dende fai uns anos estasne a converter nun cultivo importante nas nosas terras.